Messi də dubl etdi, Suares də
Məşhur futbolçu Lionel Messinin də formasını geyindiyi "İnter Mayami" MLS-də 3-cü tur oyununa çıxıb.
QOL.az xəbər verir ki, komanda öz meydanında "Orlando Siti" ilə qarşılaşıb və 5:0 hesablı qələbə qazanıb.
Oyunda Lionel Messi və Luis Suares dubl edib. Mayami təmsilçisinin digər qolunu isə Robert Taylor vurub. Suares 2 qol ötürməsi də verib.
Qeyd edək ki, "İnter Mayami" 3 turdan sonra 7 xalla liderdir. "Orlando Siti" isə 1 xalla 12-cidir.
- İdman
- 03 Mart 2024
