Gimnastlarımızdan 5 medal
Rumıniyanın paytaxtı Buxarestdə keçirilən bədii gimnastika üzrə uşaqlar, yeniyetmələr və gənclər arasında 21-ci "Irina Deleanu Cup” beynəlxalq turniri başa çatıb.
Kanal.az xəbər verir ki, yarışda ölkəmizi təmsil edən Məryəm Əliyeva 1 gümüş və 1 bürünc medal qazanıb. O, topla hərəkətlərə görə 2-ci, lentlə hərəkətlərin icrasına görə isə 3-cü yerə layiq görülüb.
Komandanın digər üzvləri Gövhər İbrahimova gürzlərlə və halqa ilə, Nəzrin Salmanlı isə gürzlərlə çıxışına görə 3-cü yerə layiq görülüb.
- İdman
- 28 Aprel 2022
