Azərbaycan əsilli rusiyalı şoumen Timur Rodrigez aktrisa Katya Kabak ilə evlənib.
Kanal.az xəbər verir ki, cütlük bu gün nikah masasına əyləşib. Onların rəsmi nikah mərasimi Moskvanın 1 saylı Nikah Sarayında baş tutub.
Nikah mərasimindən sonra yeni evlənənlər və qonaqları ikimərtəbəli ekskursiya avtobusu ilə toy şənliyinin keçiriləcəyi məkana yollanıblar.
Qeyd edək ki, Rodrigez və Kabak 2023-cü ilin payızından münasibətdədirlər. 2025-ci ilin mayında müğənni həyat yoldaşı Anna Devoçkina ilə 16 illik evliliyini başa çatdıraraq rəsmi şəkildə boşanıb. Həmin vaxt Anna xaricdə olub və Timur onunla telefon zəngi vasitəsilə ayrıldığını bildirib.
Timur və Anna 2007-ci ildə ailə qurublar. Onların iki övladı var. Ayrılığın səbəbi kimi Annanın onun xəyanətlərinə işarə etdiyi bildirilsə də, şoumen bu iddiaları inkar edib. Qısa müddət sonra Rodrigez yeni sevgilisi Katya Kabakla ictimaiyyət qarşısında görünməyə başlayıb. (axsam.az)
