Zelenski ona edilən sui-qəsd cəhdlərindən danışdı

Ukrayna Prezidenti Vladimir Zelenski hesab edir ki, ona qarşı hazırlanan sui-qəsd cəhdləri o qədər də qorxulu deyil, lakin bütün dünyanın onun siyasətinə münasibətinə görə Rusiya prezidentinin daha çox problemləri var.

Kanal.az xəbər verir ki, o, bu barədə Avstraliyanın "Nayn Netvork" telekanalına müsahibəsində bildirib.

Jurnalistin ona qarşı 10 sui-qəsdin qarşısının alınması faktını necə şərh edə biləcəyini soruşduqda, Zelenski belə cavab verib:

"Belə çıxır ki, bunu on nəfər istəyir. Ona görə də bu, o qədər də qorxulu deyil. Məncə, zirzəmilərdə gizlənən, işgəncə verilən insanlara baxanda mənim vəziyyətim o qədər də dəhşətli deyil. Mən xalqımız üçün və xüsusən də yaxınlarını itirmiş ailələr üçün qorxuram".

O, həmçinin qeyd edib ki, Rusiyanın Ukraynaya genişmiqyaslı hücumundan sonra o, Ukraynadan getmək barədə heç düşünməyib:

"Bəli, ölkəni tərk etmək təklifləri partnyorlardan gəldi. Çoxlu müxtəlif təkliflər oldu, amma bu barədə düşünmədim. Mən dəqiq bilirdim ki, bu, dövlətimizə güc verməyəcək".