Türkiyədə biznesi üzə çıxan erməni deputat Stambulyan: Adımın İstanbulla əlaqəsi yoxdur

“Hakim partiya heç bilmir ki, “Stambul” sözünün Türkiyə ilə heç bir əlaqəsi yoxdur”.

Kanal.az erməni mediasına istinadla xəbər verir ki, bunu bu gün “Ermənistan” fraksiyasından olan deputat Ripsime Stambulyan deyib.

Milli Məclisdə deputatın soyadı ilə Türkiyənin İstanbul şəhəri arasında paralellər aparan deputat Çovinar Vardanyanın çıxışına istinadən bildirib.

Qeyd edək ki, deputat başqalarına “türk agenti” kimi baxdığı halda, özünün Türkiyədə biznes şirkəti olduğu aşkarlanıb və soyadının da Stambulyan olması şübhələr yaradıb. Çovinar Vardanyan onun soyadını ələ salıb və bu da zaldakı deputatların gülüşünə səbəb olub.

“Stambul” sözünün Türkiyə ilə heç bir əlaqəsi yoxdur. “Stambul” sözü yunanca “istanbul” sözündən olub, hərfi mənada şəhərə enmək mənasını verir və bu söz bir vaxtlar Konstantinopol əhalisi tərəfindən istifadə edilib”, – Stambulyan bildirib. / Konkret..az