"Qadın bunları edirsə, xəyanət etdiyindən şübhələnmək olar"

Xəyanət dedikdə ilk olaraq ağıla kişi cinsinin nümayəndələri gəlir. Lakin bugün kişi xəyanəti qədər, qadın xəyanətlərinin də sayı az deyil. Dövrümüzdə baş verən cinayət hadisələrinə diqqət yetirsək bunu görə bilərik.

Bəs qadınlar nəyə görə xəyanət edir?

Kanal.az  xəbər verir ki, mövzu ilə bağlı Sfera.az-a danışan psixoloq Səbinə Bəşirzadə bildirib ki, münasibətlərində xoşbəxt olan qadınlar, əsasən, sadiq olurlar.

"Lakin qadının münasibəti arzuladığı kimi davam etmirsə, xəyanətə can atırlar. Karyerada yüksəlişin baş verməsi də qadını bu yola sürükləyir. Yüksək maaş alan qadınlar buna nümunə ola bilər. Bəzən isə yoldaşının və yaxud sevgilisinin ona xəyanət etdiyini düşünən qadınlar itmiş güvənlərini qazanmaq üçün xəyanət edə bilərlər".

Psixoloqun sözlərinə görə, xəyanət edən qadın və kişilərin sayı bərabərləşir:

"Evli qadınların 15, kişilərin isə 22 faizi yoldaşlarına xəyanət edir. Bəzən isə xəyanət qadınların genindən gəlir. Qadınlar ruhi boşluğa düşdükləri zaman, ərlərindən sevgi və diqqət görmədikdə o sevgini başqa kişilərdə axtarırlar".

Vəfa Əkbər diqqətə çatdırıb ki, baxımsız qadın birdən-birə daha baxımlı olmağa başlayıbsa, telefon və internetde daha çox vaxt keçirdirsə, xəyanət etdiyindən şübhələnmək olar.

"Kişilərdən fərqli olaraq qadınların bir çoxu etdikləri xəyanətdən sonra peşman olur və ailələrinə daha çox bağlanırlar".