Nanənin faydaları nələrdir? Nanə çayı necə hazırlanır?

Süfrənin əvəzsiz bitkilərdən biri olan nanə sağlamlıq üçün çox faydalıdır. Dünyada təxminən 25-30 növü olan nanə, əsasən rütubətli yerlərdə bitir. Bu ətirli bitki növü müalicəvi bitki kimi də tanınır.

Kanal.az deyerler.org-a istinadən bildirir ki, nanə bitkisi iştahı açır, əsəbləri sakitləşdirir və bədənə rahatlıq verir. Stress və baş ağrısına qarşı yaxşı təsir edir. Spazm və taxikardiya (yüksək ürək döyüntüsü) riskini azaldır, hərarəti azaldır, həzm sistemi və mədə üçün həqiqətən faydalıdır, belə ki, həzmi asanlaşdırır, qazqovucudur, bağırsaq qurdlarını azaltmağa kömək edir, xora və ürək yanmasına qarşı yaxşı təsir edir, qusma, ürək bulanması və ağrıların qarşısını alır. Qrip və bronxit kimi soyuqdəymə və öskürək hallarına qarşı faydalıdır. Diş ağrısı və pis nəfəsləri aradan qaldırır. Ana südünü artırır. Əsəb zəifliyinə qarşı yaxşı təsir edir.

Necə istehlak olunur?

Nanə, ətir və dadı ilə fərqli bir ləzzət qatmaq üçün salatlara və yeməklərə quru və ya təzə əlavə edilə bilər. Həmçinin nanə çayı həzmi asanlaşdırmaq üçün yeməkdən sonra içilə bilər. Nanədən alınan nanə yağı da müxtəlif məqsədlər üçün istifadə olunur. Yarpaqlardan hazırlanan nanə çayı sakitlik verir. Nanə suyunda bir az sirkə əlavə edilərsə və içilərsə, daxili qanaxmanın dayandırılmasına kömək edir. Nanənin sakitləşdirici təsiri nanə yağına da aiddir. Nanə yağı dəridə yanan ləkələri aradan qaldırmaqda və soyuqdan yaranan şişkinliyi azaltmaqda təsirlidir. Nanə qaynadılıb buxarı ilə nəfəs alınarsa, tənəffüs yollarını açır və soyuqdəyməyə qarşı yaxşı təsir göstərir.

Nanə çayını necə hazırlamaq olar?

Yeməklərdə istifadə etdiyiniz təzə nanə yarpaqlarını əllə 3-4 hissəyə ayıraraq, bir qaba yayıb 24 saat saxlayın. 24 saatdan sonra yarpaqlar quru və xırtıldayan olmalıdır. 24 saatdan sonra yarpaqlar tamamilə qurudulmasa, əlavə 1 gün saxlayın. Sonra bir qaynadılmış su əlavə edilmiş çaydana 2-3 çay qaşığı qurudulmuş nanə yarpaqlarını atın və dəmə qoyun. 10-20 dəqiqə dəmlənməsini gözlədikdən sonra yarpaqları süzərək çayınızı içə bilərsiniz. Limon nanə çayına uyğundur, amma daha şirin olmasını istəyirsinizsə, yarım çay qaşığı bal əlavə edə bilərsiniz.

Nanə çayının faydaları:

- Nanə çayının buxarı ilə nəfəs almaq burun tıxanıqlığınl aradan qaldırır və sinusları açır

- Boğaz qurumasına qarşı yaxşıdır

- Köpmənin qarşısını alır

- Öd daşlarını təmizləyir

- Mədə bulantısını götürür

- Qusmanı aradan aparır

- Ürək yanmasını azaldır

- Həzmə kömək edir

- Ağızdakı pis qoxunu aradan aparır

- Əzələ ağrılarını aradan qaldırır

- Xroniki ağrıları azaldır