Kişilərin bir-birinə "canım", "ürəyim" kimi sözlər deməsi...

Son zamanlarda kişilərin bir-biri ilə danışarkən "canım", "ürəyim" kimi sözlərdən tez-tez istifadə etdiyinə rast gəlirik. Əslində, belə mürəciət forması bir çox cəmiyyətlərdə və mədəniyyətlərdə qadınlar arasında dialoq zamanı işlədilir. Belə ki, bu, yaxınlıq və dostluq əlaməti kimi qəbul edilir, amma kişilər arasında bu üslubda danışmaq cəmiyyətdə birmənalı qarşılanmır.

Kişilərin bir-birinə bu cür ifadələrlə müraciət etməsi, ənənəvi dəyərlər və kişilik anlayışı ilə uyğun gəlmir. Mədəniyyətimizdə kişilər arasında münasibətlər səmimi, amma bir o qədər də ciddi və hörmətli olmalıdır. Bir-birinə "canım" və ya "ürəyim" demək, heç şübhəsiz, müəyyən bir yaxınlıq təcəssümü ola bilər, amma bu üslub kişi münasibətlərində uyğun deyil. Bu tip ifadələr, əslində, yalnız romantik münasibətlərdə və ya qadınlar arasında istifadə oluna biləcək sözlərdir.

Kişilər arasında bu cür müraciət formalarının genişlənməsi, münasibətlərin səmimiyyət sərhədini aşmasına səbəb ola bilər. Əslində, kişilər bir-birlərinə qarşı hörmət və ciddiyyət içərisində, daha uyğun ifadələrlə müraciət etməlidirlər. "Qardaş", "dostum", "bəy" kimi sözlər həm səmimi, həm də kişilik dəyərlərinə uyğun şəkildə münasibətləri ifadə edir. Bu növ ifadələr həm də kənar şəxslər tərəfindən daha yaxşı qəbul olunur və münasibətləri daha ciddi və hörmətli göstərir.

Bundan əlavə, "canım" və "ürəyim" kimi sözlər bəzən qarşı tərəfin yanlış anlamasına yol aça bilər. Cəmiyyətdə bu cür ifadələr qeyri-ciddi və ya hətta gülünc olaraq qəbul edilə bilər. Kişilər arasında münasibətlərin daha sağlam və düzgün qurulması üçün hörmət və ciddiyyət çərçivəsində münasibət bildirilən ifadələr daha uyğundur.

Kişilər münasibətlərində həmişə hörmət və səmimiyyətə əsaslanmalı, amma bunu cəmiyyətin gözləntilərinə və ənənələrə uyğun şəkildə etməlidirlər. Yaxın dostluq və qarşılıqlı hörmət, hər zaman uyğun və düzgün şəkildə ifadə olunmalıdır. Bu həm şəxsi münasibətləri, həm də cəmiyyətin ümumi dəyərlərini qorumağa xidmət edir.