ƏHSƏN! 690 bal toplayan tələbəmiz ABŞ-ın 5 universitetindən qəbul aldı - FOTO

II qrup üzrə 690 bal toplayaraq hələlik ən yüksək nəticə göstərmiş Mikayıl Cəfərli ABŞ-ın 5 universitetindən qəbul alıb.

Naxçıvan MR, Şərur rayonu Kürçülü kənd tam orta məktəbinin məzunu olan Mikayıl buraxılış imtahanlarında ölkə üzrə ən yüksək nəticələrdən birini göstərib - 296 bal.

O, II qrup üzrə keçirilən imtahanlarda ölkə üzrə ən yüksək nəticə göstərib - 394 bal!

Tarix üzrə Respublika Olimpiadalarında 9 və 11-ci sinifdə gümüş medallar qazanıb.

IELTS və SAT-da yüksək göstəricilərinə və ümumilikdə olan nailiyyətlərinə görə ABŞ-ın 5 universitetindən qəbul alıb.

Seçimi Miçiqan Universiteti oldu. İllik 12.500 dollar tam təqaüdlə. AMMA...

Həmin universitetdə illik təhsil haqqını ödəməyə ailəsinin imkanı yoxdur. Onun digər seçimi Türkiyənin ən nüfuzlu universitetləridir.

Alternativ seçim olaraq, onun Azərbaycan Universitetləri arasında seçim edəcəyi universitet Bakı Ali Neft Məktəbinin Biznesin idarəedilməsi ixtisası olacaq.

Mənbə: Azərbaycan universitetləri