Azərbaycanda sabiq nazir vəfat etdi

<p><b>Azərbaycanın sabiq kənd təsərrüfatı naziri Müzamil Abdullayev vəfat edib.</b></p><p>Kanal.az&nbsp;Teleqraf.com-a istinadla xəbər verir ki, o, 81 yaşında dünyasını dəyişib.</p><p>Mərhum sabah Gəncədə torpağa tapşırılacaq.</p><p>Qeyd edək ki, Müzamil İmran oğlu Abdullayev 1993-cü ilin iyulundan 1994-cü ilin oktyabrınadək kənd təsərrüfatı naziri vəzifəsində çalışıb.</p><p>Müzamil Abdullayev 1941-ci ildə Gəncə şəhərində anadan olub. 1996-ci ildə “Surət Hüseynov olayı”na görə vətənə xəyanət ittihamı ilə təqsirləndirilən eks-nazirə əvvəlcə ölüm hökmü kəsilib, sonra bu hökm ömürlük azadlıqdan məhrumetmə ilə əvəzlənib. Daha sonra isə cəzası 15 illik həbslə əvəz edilib. 1999-cu ildə isə ölkə başçısının əfv fərmanı ilə azadlığa buraxılıb.</p>