Arayik Arutyunyan: “Qarabağda 17 yeraltı istehkam tikirik” - MÜHARİBƏYƏ HAZIRLAŞIRLAR

2-ci Qarabağ savaşından əvvəl yeraltı istehkamlar, bunkerlər tikmək qərarına gəldik, çünki müharibənin qaçılmaz olduğunu bilirdik.

Kanal.az “Hraparak” qəzetinə istinadən xəbər verir ki, bu fikirləri Qarabağda qondarma rejimin “rəhbəri” Arayik Arutyunyan Ermənistandan gələn ziyalılarla görüşdə deyib.

“Düşmənin hücumu zamanı güclü müdafiəni təmin edəcək 100 belə müdafiə strukturunun tikilməsi nəzərdə tutulmuşdu.Onlardan 17-nin tikintisinə artıq başlanılıb, birində isə işlər başa çatmaq üzrədir. Bu bunkerdən müharibə zamanı da istifadə olunub. 44 gün ərzində bu mövqedə heç bir itki olmayıb”, deyə o, qeyd edib.

Arayik Arutyunyan vurğulayıb ki, əgər müharibə altı ay sonra başlasaydı, bu yeraltı istehkamlar tikiləcəkdi və qurbanların sayı az olacaqdı, çünki sentyabrın 28-də artıq bütün tikinti işləri dayandırıldı: “Şənbə cümədən tez gəldi". /bizim.media