Aktrisa Ülviyyə Xəlilbəyli keçmiş həyat yoldaşı və həmkarı Murad İsmayılla ayrılığı barədə ilk dəfə ətraflı açıqlama verib.
Kanal.az xəbər verir ki, aktrisa bu barədə Nail Naiboğlunun “YouTube” kanalında yayımlanan müsahibəsində danışıb.
Ülviyyə Xəlilbəyli bildirib ki, nişanlı olduqları dövrdə münasibətlərinin ictimailəşməsini istəməyib və bunu mümkün qədər gizli saxlamağa çalışıb.
Onun sözlərinə görə, sosial şəbəkədə heç bir paylaşım etməsə də, evdə çəkilmiş şəxsi fotolar qısa müddətdə yayılıb və bu günə qədər həmin görüntülərin necə ictimailəşdiyini bilmir.
Aktrisa ayrılıq səbəbi ilə bağlı da maraqlı fikir səsləndirib. O, bürclərinin uyğun gəlmədiyini deyərək, “Şir bürcü ilə Əkizlər heç vaxt tutmur”, sözlərini işlədib.
Ülviyyə Xəlilbəyli haqqında yayılan xəbərlərin böyük hissəsinin həqiqəti əks etdirmədiyini də vurğulayıb. O bildirib ki, emosional insan olduğu üçün bəyəndiyi statusları paylaşır, lakin bu paylaşımların xəbər mövzusuna çevriləcəyini düşünmür.
Aktrisa etiraf edib ki, bir müddətdən sonra özü də haqqında yazılan xəbərləri görməkdən yorulub. Bununla yanaşı, media nümayəndələrini qınamadığını da əlavə edib.
Keçmiş həyat yoldaşı Murad İsmayılla münasibətlərinə toxunan sənətçi bildirib ki, övladlarının xatirinə aralarında normal ünsiyyət davam edir.
“Biz dostuq. Uşaqlarım mənimlə qalır. İstədikləri zaman ataları ilə görüşə və birlikdə harasa gedə bilərlər”, – deyə Ülviyyə Xəlilbəyli qeyd edib.
Aktrisanın bu səmimi etirafları sosial şəbəkələrdə geniş müzakirələrə səbəb olub.
