Türkiyə Ukraynaya 50 ədəd zirehli avtomobil verdi
Türkiyə Ukraynaya 50 ədəd “Kirpi” zirehli avtomobil verib.
Kanal.az xarici KİV-ə istinadən bildirir ki, həmin avtomobillər artıq Ukraynanın cəbhə xəttinə gətirilib.
Məlumata görə, Türkiyənin Ukrayna Ordusuna daha 150 ədəd eyni markalı zirehli avtomobil göndərəcəyi gözlənilir. Türkiyə Silahlı Qüvvələrinin avtomobilləri Ukraynaya təmənnasız verdiyi güman edilir.
Bildirilib ki, zirehli avtomobillər Donetsk istiqamətində gedən döyüşlərdə istifadə olunacaq.
Türkiyənin Ukraynaya hərbi zirehli avtomobil verməsi ilə bağlı rəsmi Ankara və Kiyev hələlik heç bir açıqlama yaymayıb.
Qeyd edək ki, Türkiyə istehsalı olan “Kirpi” zirehli avtomobili yerli “BMC” şirkətinə məxsusdur.
- Dünya
- 09 Avqust 2022
