Xalq artisti Röya Ayxanın paylaşdığı bir günlük vlog qısa müddətdə sosial şəbəkələrdə geniş izlənilib və gündəmin ən çox müzakirə olunan paylaşımlarından biri olub.
Kanal.az xəbər verir ki, sənətçi videoda gün ərzində baş verən müxtəlif anları izləyiciləri ilə bölüşüb. Günə sadə və səmimi kadrlarla başlayan Röya daha sonra hazırlıq prosesi, kulis məqamları və iş tempindən görüntülər təqdim edərək izləyicilərin diqqətini çəkib. Mətbəxdə baş verən zarafatlı dialoqlar, rahat atmosfer və pozitiv ab-havası vlogun ən çox bəyənilən hissələri arasında yer alıb.
Daha sonra müğənni səhnə və çəkiliş hazırlığından eksklüziv görüntülər paylaşaraq makiyaj otağındakı, kulisdəki və iş masası arxasındakı anları izləyicilərə təqdim edib. Bu kadrlar Röyanın həm işinə olan peşəkar yanaşmasını, həm də gündəlik həyatının enerjisini əks etdirib.
Vloqun sonunda kameraya gülümsəyən sənətçi:
"Bizə nuş oldu, yedik... İndi gedək, hazırlaşaq", - deyə zarafatla bildirib.
Bu səmimi çıxış izləyicilər tərəfindən böyük rəğbətlə qarşılanıb və sosial şəbəkələrdə sürətlə yayılıb.
Röya Ayxanın vlogu təbii və enerjili görüntüləri ilə günün ən çox müzakirə olunan paylaşımlarından birinə çevrilib. (milli.az)
