Qoroskop: Günün ilk yarısında əsas işləri tamamlağa çalışın

### Qoç Bürcü

Gün ərzində işləriniz ciddi səy, maneələrin dəf olunması və diqqətli davranış tələb edəcək. İnformasiya çatışmazlığı və iş yoldaşlarınızın ətaləti fəaliyyət ritminizi aşağı sala bilər. Ancaq Ay və Əkizlər bir müddət sonra vəziyyəti dəyişəcək. Problemləri həll etmək imkanı yaranacaq və situasiya sürətlənəcək. Gözlənilən məlumat gələcək.

Yeni əməkdaşlıq formaları qurmaq, faydalı məlumatlar toplamaq, çıxış və mühazirə hazırlamaq, bilikləri artırmaq, məqalə yazmaq və arzuladığınız işləri həll etmək üçün uğurlu bir gündür. Şəxsi münasibətlərdə isə söhbətlərin xüsusi önəmi olacaq. Tərəf müqabilinizi sevindirin və ümumi planları müzakirə edin.

### Buğa Bürcü

Günün ilk yarısında əsas işləri tamamlayın, çünki sonrakı saatların effektivliyi azalacaq. Əks cinsin nümayəndəsinin yardımına bel bağlamayın. Hissiyat və məntiqinizi işə salın. Əvvəl başladığınız işi tamamlayın. Yeni işlərə başlamaq, danışıqlar aparmaq və sənədləşdirmə üçün əlverişli vaxt deyil.

Fiziki işlə məşğul olmaq məsləhətdir. Şəxsi münasibətlərdə hər şey yaxşı olacaq. İfrat tələbkarlıq etməsəniz, yaxınlarınızla təmaslar yaxşı və qarşılıqlı anlaşma isə yüksək səviyyədə olacaq. Axşam saatlarına yaxın məhsuldarlıq artacaq və alış-veriş üçün uğurlu bir gündür.

### Əkizlər Bürcü

Günəş, Merkuri və Neptun arasındakı münasibətlər sizə dəstək olacaq. Təşəbbüs və istəklərinizə diqqət yetiriləcək. Qüvvə və güc artımı hiss edəcək, daha cəsarətli və inadkar olacaqsınız. Rəqiblərinizə imkan verməyin, onları üstələyin və xəbis xislətli insanları qabaqlayın. Bilmədiyinizi öyrənin və heç kimə sizi qorxaq və ya üzüyola adam kimi tanımağa imkan verməyin.

Məqsədə çatmaq üçün şərait yaradın. Yeni planlarınız və işiniz üçün insanlara niyyətinizi danışın. Uzaqda olan insanlarla təmasda olun, yazışmaları bərpa edin. Dostlarla görüş, təmaslar və alış-veriş də günə rəng qatacaq.

### Xərçəng Bürcü

Ətalət və tənbəlliyə qalib gəlin, işləri sabaha saxlamayın. Səhər saatlarında fəaliyyətinizi tənzimləyin, işlərdə, sənədlərdə və yazılarda qayda yaradın, evi və iş yerinizi nizama salın. Gecikməməyə çalışın və sərfəli şansı əldən verməyin. İnformasiya və xəbər axını artacaq. Danışıqlar aparmalı və münaqişələri həll etməli olacaqsınız. Yeni işlər, səfərlər və mühüm görüşlər barədə düşünün.

İş yerinizin görkəmini dəyişə bilərsiniz. Məmur təzyiqinə məruz qala bilərsiniz, amma geri çəkilməyin və haqqınızı tələb edin. Axşam saatlarını özünüzə və sevdiyiniz insana ayırın.

### Şir Bürcü

Yaxın gələcəyin strategiyasını müəyyənləşdirin. İşdə rəhbərliklə danışaraq konkret məsələləri həll edin. Problemləri tez və effektiv həll etsəniz, yeni məqsədlərə çatmaq üçün geniş imkanlar yaranacaq. Evdə gərəksiz əşyalardan qurtulun. Günün ikinci yarısı yüksək məhsuldarlıq dövrüdür. Yeni ideyalar və enerji yaranacaq. Əgər nə iləsə maraqlanırsınızsa, sonrakı fəaliyyət üçün şərait hazırlayın və mövzunu fərqli yönlərdən çözməyə çalışın.

### Qız Bürcü

Ötən günlərdə yerinə yetirə bilmədiyiniz vədləri yada salın və yarımçıq qalmış işləri bitirin. Aktual məsələlərə və öz maraqlarınıza diqqət ayırın. İnformasiya ilə işləmək, təcrübə mübadiləsi etmək və öyrənmək mümkündür. Bəxtin üzünüzə güləcəyi məqamı gözləməyin, məqsədə çatmaq üçün gərəkli hər şeyi edin. Bu gün səs-küy və narahatlıq ola bilər, amma bu çətin işləri asanlaşdıracaq.

Küsülü olduğunuz insanla barışın və köhnə münaqişənin gərginliyini aradan qaldırın.

### Tərəzi Bürcü

Həyat daha maraqlı olur, imkanlar gözlənilmədən yaranır. Sərf etdiyiniz əməyin nəticələri arasındakı əlaqə hər zaman məcburi deyil. Bəzi işlər müdaxilə olmadan həll olunur. Situasiyanı lazım olan anda dəyişin və müdaxilələr edin. Gərəkli ola biləcək insanlarla sıx əlaqələr qurun. Enerjinizin çox olmasından yararlanın və sevdiyiniz insanı sevindirin.

### Əqrəb Bürcü

Gün sizi sevindirəcək. Maliyyə məsələlərində narahat edən məqam həllini tapacaq və maddi perspektivlər yaxşı olacaq. Ailədə mühüm müzakirə ola bilər. Yeni imkanlar və planlar artdıqca, adət etdiyiniz intizam pozula bilər. Evdəkilərdən bəzi qayğıları onların öhdəsinə buraxın. Axşam saatlarında mühüm məsələni həll edəcəksiniz və maraqlı xəbər gözləyin.

### Oxatan Bürcü

Gün sakit başlayacaq. Yığılıb qalmış işləri başa vurmaq və sorğulara cavab vermək üçün əlverişli vaxtdır. Gücünüzü opponentlərə nəyinsə başa salınmasına sərf etməyin. Praktiki işlərə və gəlirlə mənfəət vəd verən işlərə diqqət ayırın. Məhdud çevrədə görüş və ailə müzakirələri üçün əlverişli gündür. Axşam saatlarında əhvalınız dəyişəcək və yeni planlar ortaya çıxacaq. Sizi aldatmağa çalışacaqlar, eşitdiyiniz hər şeyə inanmayın.

### Oğlaq Bürcü

Əhvalınız sakit və işgüzar olacaq. Əsas fəaliyyət istiqamətindən yayınmayın. Gözlənilməz tapşırıq və yeni fəaliyyət istiqaməti mümkündür. Ay və Əkizlər arasındakı münasibətlər spontan hadisələr ehtimalını artırır. Poçtu yoxlayın və yeniliklərə ehtiyac duyursunuzsa, yazışın. Günün ikinci yarısı bir qədər piyada gəzin və ehtiyatlı olun.

### Dolça Bürcü

Yarımçıq qalan işləri başa vurun. Alınan xəbərləri qaydaya salın və iş yerinizdə nizam yaradın. Danışıqlar, toplantılar və müzakirələr üçün əlverişli vaxtdır. Günün ikinci yarısı informasiya daşıyıcıları və elektronika almaq üçün əlverişlidir. Axşam saatları dostlarla görüş və yazışma üçün yaxşıdır.

### Balıqlar Bürcü

Bu gün kimsənin sizə təzyiq göstərməsinə imkan verməyin. Rahat olun və ciddi işlə məşğul olun. Təcili olmayan işlərə diqqət yetirə bilərsiniz. İstədiyiniz və maraqlandığınız işə vaxt ayırmaq mümkündür. Xoş ünsiyyət, xəbər və planların mübadiləsi də pis olmaz. Ailə işləri və qayğıları gün ərzində ön planda olacaq. Praktik olun və geri çəkilməyin. Axşam saatları mühüm xəbəri çatdırmaq və ailədəki problemi müzakirə etmək üçün əlverişlidir. Onlayn alış-veriş edə bilərsiniz.