Nüvə ölkələri: Kimin nə qədər nüvə başlığı var?

<p><b>2022-ci il üçün dünyanın nüvə gücləri siyahısına 9 dövlət daxildir.</b></p><p>Kanal.az&nbsp;xəbər verir ki, bu məlumat Stokholm Beynəlxalq Sülh Araşdırmaları İnstitutunun araşdırmasına əsaslanır.</p><p>Beləliklə, dünyanın nüvə gücünə malik ölkələrin siyahısını və malik olduqları nüvə başlıqlarının sayını açıqlayırıq:</p><p>1. Rusiya – 7000 ədəd</p><p>2. ABŞ – 6800 ədəd</p><p>3. Fransa – 300 ədəd</p><p>4. Çin – 270 ədəd</p><p>5. Böyük Britaniya – 215 ədəd</p><p>6. Pakistan – 140 ədəd</p><p>7. Hindistan – 130 ədəd</p><p>8. İsrail – 90 ədəd</p><p>9. Şimali Koreya - 30 ədəd</p><p>Bundan başqa, nüvə başlıqlarına sahib olub, lakin sonradan ondan imtina edən dövlətlər də var.</p><p>1979-cu ildə nüvə başlıqlarına sahib olan Cənubi Afrika Respublikası (CAR) cəmi 10 il sonra ondan imtina etdi. Bununla da CAR dünyada nüvə silahından imtina edən ilk dövlət kimi tarixə düşdü.</p><p>SSRİ dağıldıqdan sonra 3 ölkə - Qazaxıstan, Ukrayna və Belarus da öz nüvə başlıqlarından imtina edərək onu Rusiyaya verdilər.</p><p>Uzun illər öncə Əlcəzair, Argentina, Braziliya, Cənubi Koreya, Liviya, Suriya, Misir, İspaniya, Meksika, Rumıniya, Tayvan, İsveç və Səudiyyə Ərəbistanı kimi ölkələrdə nüvə başlıqlarının olması barədə söz-söhbətlər gəzib. Lakin bunlar elə söz-söhbət olaraq da qalıb, bu ölkələrin heç birində nüvə başlıqlarının olması sübuta yetirilməyib.</p><p>Son illər isə yalnız iki dövlət – Myanma və İran nüvə silahının yaradılması ilə bağlı fəaliyyətlər aparırlar.</p>