Mustafa Ceceliyə görə Bakıda restoran sahibi cəzalandırıldı - RƏSMİ
Ölkə
08.06.2021 13:33
880

Mustafa Ceceliyə görə Bakıda restoran sahibi cəzalandırıldı - RƏSMİ

Loading...

Türkiyənin məşhur müğənnisi Mustafa Cecelini Bakıya dəvət edən restoran sahibi cərimələnib.

Bunu Oxu.Az-a Daxili İşlər Nazirliyi mətbuat xidmətinin rəisi, polis polkovniki Ehsan Zahidov məlumat verib.

O bildirib ki, Türkiyənin məşhur müğənnisi Mustafa Cecelinin “İstanbul Meyhane Bilgah” restoranında keçirdiyi konsert proqramında karantin qaydalarının kobud şəkildə pozulmasına görə sahibkar cəzalandırılıb.

DİN rəsmisi qeyd edib ki, iyunun 5-də Sabunçu rayon Bilgəh qəsəbəsində yerləşən “İstanbul Meyhane Bilgah” restoranının açılışı ilə əlaqədar konsert proqramı təşkil olunub və xüsusi karantin rejimi pozulub:

“Sabunçu Rayon Polis İdarəsinin əməkdaşları tərəfindən tədbirin qarşısı alınıb. Restoranın sahibi və konsertin təşkilatçısı Bürhan Abdullazadə barəsində İnzibati Xətalar Məcəlləsinin 211.1-ci maddəsi ilə inzibati xəta haqqında protokol tərtib edilib və rayon məhkəməsinin qərarı ilə o, 4 min manat cərimə edilib”.

mustafa ceceli
konsert
baku
Loading...
close
close