İrana ŞOK CAVAB: Azərbaycan xüsusi təyinatlıları... - AÇIQLAMA

  • Manşet
  • 03 Noyabr 2022
636378fad1d6c202211221658
  • Oxunub: 810

Müdafiə nazirinin təsdiq etdiyi 2022-ci il üçün döyüş hazırlığı planına əsasən Azərbaycan Respublikasının cənub sərhədlərinə yaxın ərazilərdə Xüsusi Təyinatlı Qüvvələrin hərbi hissələrinin təlimi başlayıb. Xüsusi Təyinatlı Qüvvələrin komandanı general-leytenant Hikmət Mirzəyevin rəhbərliyi ilə keçirilən təlimin planına əsasən hərbi hissələr "Həyəcan" siqnalı ilə qaldırılıb.

XTQ-nin İranla sərhəddə təlimlərə başlaması cəmiyyətdə də olduqca geniş müzakirə olunub. Belə ki, bir çoxları hesab edir ki, bu təlimlər son günlər Azərbaycan-İran münasibətləri fonunda baş verənlərə qarşı cavabdır.

Kanal.az xəbər verir ki, hərbi ekspert Ədalət Verdiyev deyib ki, bu təlimlər daha əvvəllər də olub. Bunu sadəcə İranla əlaqələndirmək də doğru deyil:

"Xüsusi Təyinatlı Qüvvələrin sərhəd bölgəsində keçirdiyi təlimlər planlı təlimlərdir. Bu ərazidə bizim xüsusi təyinatlılarımız daha əvvəllər də təlim keçib, indi də keçir və yəqin ki, gələcəkdə də keçəcək. Bunu sadəcə İranla əlaqələndirmək də doğru olmazdı. Təbii ki, İranın bizə qarşı həyata keçirdiyi fəaliyyətlər fonunda bu təlimlər İrana qarşı bir cavab reaksiyası kimi də qəbul edilə bilər. Amma mən bunun yalnız İrana qarşı deyil, həm də Azərbaycana qarşı əzələ nümayiş etdirmək istəyən, Ermənistanı, revanşistləri dəstəkləyən qüvvələrə qarşı bir təlim olduğunun qənaətindəyəm".

Ədalət Verdiyev: Hərbi məsələlərə zəruri miqdarda maliyyə vəsaitinin  ayrılması Prezidentin ordu quruculuğuna qayğısının göstəricisidir - AZƏRTAC

Ekspert bildirib ki, xüsusi təyinatlılarımız Vətən müharibəsində dünyaya öz gücünü nümayiş etdirib. Ədalət Verdiyev bu təlimləri digər qoşun növləri ilə qarşılıqlı əlaqədə yeni mümkün ssenarilərin qarşısının alınması istiqamətində atılan vacib addım kimi dəyərləndirir. / Metbuat.az

Oxşar xəbərlər