Əfqanıstanda dəhşətli zəlzələ: Ölənlərin sayı 1000-i ötdü

<p>09:36</p><p><b>Əfqanıstanın şərqində yerləşən Paktika əyalətində 5,8 bal gücündə zəlzələ olub.</b></p><p>Kanal.az xəbər verir ki, yeraltı təkanlar nəticəsində azı 255 nəfər ölüb, 150 nəfər xəsarət alıb.</p><p>Lakin hadisə ilə bağlı məlumat qıtlığı var.</p><p>Eyni zamanda, “Baxtar” xəbər agentliyi xilasedicilərin bölgəyə helikopter vasitəsilə daşındığını açıqlayıb.</p><p>Qeyd edək ki, daha öncə ABŞ-ın "Vaşinqton Post" qəzeti zəlzələdə 155 nəfərin öldüyünü yazıb.</p><p>***</p><p><b>Əfqanıstanın şərqində baş verən zəlzələ nəticəsində ölənlərin sayı 920 nəfərə çatıb.</b></p><p>Bu barədə ölkənin təbii fəlakətlərin aradan qaldırılması üzrə müvəqqəti hökumətinin nazir müavini bildirib.</p><p>Məlumata görə, təbii fəlakət nəticəsində 620-yə yaxın insan yaralanıb.</p><p>***</p><p><b>Əfqanıstanın Paktika əyalətində baş verən zəlzələ nəticəsində ölənlərin sayı 1 000-i ötüb.</b></p><p>Bu barədə əyalətin mədəniyyət və informasiya idarəsinin rəisi Amin Huzayfa bildirib.</p><p>Onun sözlərinə görə, yaralıların sayı 1 500 nəfərə yüksəlib, bir çox kəndlər məhv olub</p>