Efirə qısa kofta ilə dar şalvar geyinə bilmirdim: Bədən şəkilləndirmə etdim - Nigar / FOTO

Əməkdar artist Nigar Şabanova estetik əməliyyatlarından danışıb.

Sənətçi bu barədə MTV-də yayımlanan “Ailəmizin mətbəxi” verilişində söz açıb.

Nagehan Abdullayevanın “Pəhriz saxlayırsınız” sualına Şabanova belə cavab verib:

“Pəhriz saxlamıram, əksinə, çəki almaq istəyirəm. Bu, bizdə genetik problemdir. Müəyyən yaş dövründə 1-2 kilo artır, orada da qalır. Arıqlığıma qarşı kompleksim var idi. Dar geyimlərdə mədəm görünürdü. Efirə qısa kofta ilə dar şalvar geyinə bilmirdim, getdim əməliyyat etdirdim. Kompleksdən qurtuldum, çox rahatam.

Estetik əməliyyatları çox sevirəm. Anam deyir ki, bir də əməliyyata girsən, səni öldürəcəyəm, amma fikrim var. Burun əməliyyatım olub. 2013-cü ildə dodaq dolğusu etdirmişdim. Həkimin səhvi ucbatından 2013-cü ildən bu yana 3 dəfə dodaq kiçiltmişəm. Süni dolğu ilə təbii dolğunu qarışdırmışdı və yalan danışmışdı. Dodağım çox böyük görünürdü, üzümə uyğun olmurdu. Əvvəl çox kiçik idi, dodağım görünmürdü, onun kompleksini yaşayırdım.

Dodaq kiçiltmə, burun kiçiltmə, göz qapaqlarının əməliyyatı, bədən şəkilləndirmə etdirmişəm. Amma şükürlər olsun, əndazədən kənara çıxmaram. Sevmirəm – gözə girən şəkildə görünür, qadın dediyin gözəl olmalıdır. Bu yaxınlarda da yarıdan üzgərmə etdirdim. Yanaqlarıma qarşı kompleksim var. Elə bilirəm ki, yediklərim yanağımla, burunuma gedir. Real həyatda bilinmir, efir hər şeyi çox qabardır. Hələ ki yanaqlarımdan razıyam, ondan sonra da diş əməliyyatları etdirdim. Ondan da razıyam”.