Çiyələklə bağlı xəbərdarlıq: Yedikdən sonra…
Çiyələk bəzi insanlarda allergik reaksiyalara səbəb olur.
Milli.Az axar.az-a istinadən xəbər verir ki, bununla bağlı məlumatı Kliniki Tibbi Mərkəz yayıb.
Bildirilib ki, bu allergik reaksiya orqanizmin çiyələyin tərkibindəki zülallara qarşı həssaslığı nəticəsində yaranır:
"Çiyələk allergiyasının simptomları müxtəlif olur. Bu allergiya ağızda və boğazda qaşınma, dodaqların və dilin şişməsi, dəri səpgiləri, qızartı və qaşınma, sulu və qaşınan gözlər, burun tıxanıqlığı və asqırma və s. kimi simptomlarla özünü göstərir.
Çiyələk qəbul etdikdən dərhal sonra və ya bir neçə saat ərzində bu əlamətlərdən biri və ya bir neçəsi müşahidə olunarsa, mütləq həkimə müraciət etmək lazımdır".
Milli.Az
- Sağlamlıq
- 30 May 2024
