Bu, hələ başlanğıcdır, Azərbaycana qibtə edirik - Ukraynadan dəstək
Ukrayna Prezident Ofisi rəhbərinin keçmiş müşaviri Aleksey Arestoviç özünün "Facebook" səhifəsində Azərbaycanın Laçın yolunun başlanğıcında, Ermənistanla sərhəddə nəzarət-buraxılış məntəqəsi qurumasını şərh edib.
O, bunun hələ başlanğıc olduğunu bildirib.
"İki il yarım əvvəl atəşkəsdən sonra azərbaycanlıların çoxu “... yetərincə almadılar” deyəndə mən bildirdim: Bu, hələ başlanğıcdır. Hər şey sizin olacaq. Qarşınızda duran vəzifələri həll etmək üçün beş il lazım olacaq və bu beş il artıq planlaşdırılıb", - Arestoviç deyib.
O vurğulayıb ki, Azərbaycan rəhbərliyi bir daha uzunmüddətli parlaq oyun nümayiş etdirir: "Buna ancaq qibtə etmək olar”. /modern.az/
- Ölkə
- 27 Aprel 2023
