Rusiyanın qaz tədarükünü məhdudlaşdırması və kəsməsi ehtimalı ilə əlaqədar Avropa Birliyi (AB) ABŞ, Qətər və Azərbaycanla danışıqlar aparır.
Kanal.az xəbər verir ki, bu barədə AB-nin xarici işlər və təhlükəsizlik siyasəti üzrə ali komissarı Jozep Borrell deyib.
“Diplomatiyanın uğursuzluq ehtimalına hazır olmalıyıq. Bütün variant və ssenariləri nəzərdən keçiririk. O cümlədən ABŞ, Qətər və Azərbaycan kimi tərəfdaşlarla Rusiyanın tədarükü kəsmək və ya dayandırmaq qərarına gəldiyi halda qaz tədarükü məsələsində işləməyi nəzərdən keçiririk", - deyə baş diplomat bildirib. //axar.az
